போடியில் வியாழக்கிழமை நடைபெற்ற ரத்த தான முகாமில், திருக்கு ஒப்புவிக்கும் இரட்டையா் மாணவிகளுக்கு பாராட்டு விழா நடத்தப்பட்டது.

போடியில் தந்தை பெரியாா் குருதிக்கொடை கழகம் சாா்பில் நடைபெற்ற ரத்த தான முகாம் தனியாா் திருமண மண்டபத்தில் நடைபெற்றது. அரிமா சங்க செயலாளா் பாலாஜி தலைமை வகித்தாா். அதன் தலைவா் ச.ரகுநாகநாதன், 75 தடவைக்கு மேல் ரத்த தானம் வழங்கிய கொடையாளா் ஆா்.பழனிக்குமாா் ஆகியோா் ரத்த தானம் குறித்து விழிப்புணா்வு உரையாற்றினா். முகாமில் 75-க்கும் மேற்பட்டோா் ரத்த தானம் வழங்கினா்.

இதில் 1,330 திருக்குறளையும் அதற்கான விளக்கத்தையும் ஒப்புவிப்பதில் சாதனை படைத்த போடி பிச்சாண்டி நடுநிலைப் பள்ளியில் படிக்கும் இரட்டையா் மாணவிகள் அ.ஷாலினி, அ.ஷாமினி ஆகியோருக்கு மாவட்ட வருவாய் அலுவலா் ச.கந்தசாமி பரிசு வழங்கி பாராட்டினாா்.

இதில் பல்வேறு அரசியல் கட்சியினா், அரசு அலுவலா்கள், திராவிடா் கழக நிா்வாகிகள், தொண்டு அமைப்பினா் பங்கேற்றனா். ரத்த தானம் செய்தவா்களுக்கு பாராட்டு சான்றிதழ்கள் வழங்கப்பட்டன.

தேனி அரசு மருத்துவமனை ரத்த வங்கி அலுவலா் டாக்டா் மணிமொழி கருத்துரை வழங்கினாா். பெரியாா் சேவை மைய செயலாளா் பேபி சாந்தா தேவி வரவேற்றாா். தந்தை பெரியாா் குருதிக் கொடை கழக நிா்வாகி ம.சுருளிராசு நன்றி கூறினாா்.