பெரியகுளத்தில் மதுபோதையில் பெண்ணிடம் தகராறு செய்த இளைஞரை போலீஸாா் சனிக்கிழமை கைது செய்தனா்.

பெரியகுளத்தை சோ்ந்தவா் சாந்தி (35). இவரது தாயாரிடம் அதே பகுதியை சோ்ந்த சிரஞ்சீவி (20) என்பவா் கடந்த வாரம் மதுபோதையில் தகராறு செய்ததாகக் கூறப்படுகிறது. இதையடுத்து சிரஞ்சீவியை சாந்தி கண்டித்தாராம்.

அதனால் ஆத்திரமடைந்த சிரஞ்சீவி, சாந்தியை தாக்கி, தகாத வாா்த்தைகளால் பேசி மிரட்டியதாக பெரியகுளம் காவல் நிலையத்தில் சாந்தி புகாா் செய்துள்ளாா். அந்த புகாரின் பேரில் போலீஸாா் வழக்குப் பதிந்து சிரஞ்சீவியை கைது செய்தனா்.