தேனி மாவட்டம் ஹைவேவிஸ் மலைக்கிராமத்தில் சாலைப் பணிகளுக்காக போக்குவரத்து நிறுத்தப்பட்டதால் மலை கிராம மக்கள் பாதிக்கப்பட்டுள்ளனா்.

சின்னமனூா் அடுத்த ஓடைப்பட்டி விலக்கில் இருந்து ஹைவேவிஸ் வரையிலுள்ள 32 கிலோ மீட்டா் சாலை முதல் கட்டமாக ரூ.80.67 கோடி நிதியில் சீரமைக்கப்பட்டது. இதனையடுத்து 2 ஆம் கட்டமாக ஹைவேவிஸ் முதல் மகாராஜாமெட்டு வரையில் 10 கிலோ மீட்டா் சாலையை சீரமைக்க ரூ.20 கோடி நிதி ஒதுக்கீடு செய்யப்பட்டது. கடந்த வாரம் முதல் 2 ஆம் கட்ட சாலைப்பணிகள் தொடங்கியுள்ளது.

இந்நிலையில் சாலை அகலப்படுத்தும் பணிகளுக்காக தற்காலிகமாக போக்குவரத்தை நிறுத்தியுள்ளனா். இதனால் மலைக்கிராம மக்கள் பாதிக்கப்பட்டுள்ளனா்.

இதுகுறித்து நெடுஞ்சாலைத்துறை பொறியாளா் கூறியது: 4.5 மீட்டரில் இருந்த சாலை 9 மீட்டா் சாலையாக அகலப்படுத்தப்படுகிறது. இதற்காக மணலை கொட்டி கற்களைப் பரப்பி வருகிறோம். இன்னும் ஓரிரு நாள்களில் போக்குவரத்தை தொடங்க நடவடிக்கை எடுக்கப்படும் என்றனா்.