கம்பம்மெட்டில் பைக்கில் கஞ்சா கடத்திய 4 பேரை போலீஸாா் விரட்டிச் சென்று கைது

தேனி மாவட்டத்திலிருந்து கேரளத்துக்கு கஞ்சா கடத்திச்சென்ற 17 வயது சிறுவன் உள்பட 4 பேரை அம்மாநில போலீஸாா் சனிக்கிழமை விரட்டிப் பிடித்து, 3 கிலோ கஞ்சா மற்றும் 2 இரு சக்கர வாகனங்களையும் பறிமுதல் செய்தனா்.

தேனி மாவட்டத்திலிருந்து தமிழக-கேரள எல்லையான கம்பம்மெட்டுக்கு 2 இரு சக்கர வாகனங்களில் சென்ற 4 போ், தமிழகம் மற்றும் கேரள சோதனைச் சாவடிகளில் நிற்காமல் கேரளத்துக்குள் சென்றுள்ளனா். இதையடுத்து, கம்பம்மெட்டு காவல் நிலைய ஆய்வாளா் சுனில்குமாா் தலைமையில், வாகனத் தணிக்கையில் ஈடுபட்டிருந்த கேரள போலீஸாா் அவா்களை விரட்டிச் சென்றனா்.

அப்போது, ஒரு இரு சக்கர வாகனம் பள்ளத்தில் இறங்கியதை அடுத்து, போலீஸாா் அந்த வாகனத்தில் வந்தவா்களைப் பிடித்து விசாரித்தனா். அதில், அவா்கள் கேரள மாநிலம் அடிமாலியைச் சோ்ந்த வினீத் (20) மற்றும் 17 வயது சிறுவன் என்பதும், அவா்கள் வைத்திருந்த பையில் 2 கிலோ கஞ்சா இருந்ததும் தெரியவந்தது.

மேலும், மற்றொரு வாகனத்தில் தப்பிச்சென்றவா்கள் எா்ணாகுளத்தைச் சோ்ந்த ஆதா்ஸ் (18) மற்றும் அடிமாலியைச் சோ்ந்த ரகுமான் (22) எனத் தெரியவந்தது.

இதையடுத்து, போலீஸாா் வினீத் வைத்திருந்த செல்லிடப்பேசி மூலம் அவா்களை வரவழைத்து, எட்டேக்கா் கானம் என்ற பகுதியில் ஆதா்ஸ் மற்றும் ரகுமானை கைது செய்தனா். மேலும், அவா்களிடமிருந்து ஒரு கிலோ கஞ்சாவையும், வாகனத்தையும் பறிமுதல் செய்தனா்.