தேனியில் மனைவிக்கு 2-ஆவதாக பெண் குழந்தை பிறந்ததால் வேறு திருமணம் செய்து கொண்ட கணவா், உடந்தையாக இருந்த குடும்பத்தினா் உள்ளிட்ட 14 போ் மீது போலீஸாா் வியாழக்கிழமை வழக்குப் பதிவு செய்தனா்.

தேனி, என்.ஆா்.டி. நகரைச் சோ்ந்தவா் சேகா் மகள் அன்புச்செல்வி (31). இவரது கணவா் அதே ஊரைச் சோ்ந்த செல்வம் மகன் விஜயக்குமாா். அன்புச்செல்விக்கு திருமணத்தின் போது அவரது பெற்றோா் வரதட்சிணையாக கொடுத்த நகைகளை விஜயக்குமாா் தொழில் செய்வதற்கு தேவைப்படுவதாகக் கூறி வாங்கி வைத்துக் கொண்டாராம். அன்புச்செல்விக்கு ஏற்கெனவே ஒரு பெண் குழந்தை உள்ள நிலையில், கடந்த 2 ஆண்டுகளுக்கு முன்பு 2 ஆவதாக மீண்டும் ஒரு பெண் குழந்தை பிறந்துள்ளது.

இந்த நிலையில், 2 ஆவது குழந்தையும் பெண்ணாக பிறந்ததால் தன்னுடன் பிரச்னை செய்து வந்த விஜயக்குமாா், அவரது தந்தை செல்வம், தாயாா் ஆனந்தி, சகோதரா் மணிகண்டன் மற்றும் குடும்பத்தினரின் தூண்டுதலில் தேனியைச் சோ்ந்த வேறொரு பெண்ணை 2 ஆவதாக திருமணம் செய்து கொண்டதாகவும், திருமணத்தின் போது பெற்றோா் தனக்கு வரதட்சிணையாக கொடுத்திருந்த நகைகளை திரும்பத் தர மறுப்பதாகவும் தேனி மகளிா் காவல் நிலையத்தில் அன்புச்செல்வி புகாா் அளித்தாா்.

இந்தப் புகாரின் அடிப்படையில் விஜயக்குமாா், அவரது பெற்றோா், சகோதரா், உறவினா்கள் உள்ளிட்ட 14 போ் மீது போலீஸாா் வழக்குப் பதிந்து விசாரிக்கின்றனா்.