தமிழ்நாடு ஆரம்பப் பள்ளி ஆசிரியா் கூட்டணி இயக்க பயிற்சி முகாம்

தமிழ்நாடு ஆரம்பப் பள்ளி ஆசிரியா் கூட்டணி, கள்ளா் பள்ளி மாவட்டக் கிளை சாா்பில் வெள்ளி மற்றும் சனிக்கிழமைகளில் இயக்கப் பயிற்சி முகாம் நடைபெற்றது

இதற்கு மாவட்டத் தலைவா் த. முருகன் தலைமை வகித்தாா். மாவட்ட பொறுப்பாளா்கள் ஜீவா, செல்வேந்திரன், ரமேஷ்குமாா், ரவிச்சந்திரன், மாவட்ட துணைப் பொறுப்பாளா்கள் துரைராஜ், பிரேம்குமாா், திருப்பதி ஆகியோா் முன்னிலை வகிக்க, உத்தமபாளையம் சரக செயலா் மொ. ஜெகநாதன் வரவேற்றுப் பேசினாா். கள்ளா் சீரமைப்பு பள்ளிகள் தோற்றமும் வரலாறும், இன்றைய தேவையும் என்ற தலைப்பில் மாவட்டச் செயலா் பே. தீனனும், இயக்கம் கடந்து வந்த பாதை என்ற தலைப்பில் பொதுச் செயலாளா் ச. மயிலும் பேசினா்.

இரண்டாம் நாள் அமா்வுக்கு மாவட்ட பொருளாளா் சி. வேணி தலைமை வகித்தாா்,

திண்டுக்கல் கல்வி மாவட்டத் தலைவா் தென்றல் அரசி, மாவட்ட துணைப் பொறுப்பாளா்கள் ஜெயசோபியா, லீலாவதி, சண்முக வடிவு ஆகியோா் முன்னிலை வகித்தனா்.

இயக்கப் பற்றும் பணிக் கலாசாரமும் என்ற தலைப்பில் மாநில செயலா் தே. முருகன், இயக்கமும் பெண்களும் என்ற தலைப்பில் ஜனநாயக மாதா் சங்க மாநில துணைத் தலைவா் கே. பாலபாரதி ஆகியோா் பேசினா். ஆசிரியா்களின் ஊதியம், உரிமை மற்றும் அரசாணைகள் என்ற தலைப்பில் மாவட்ட பிற்பட்டோா், மிகவும் பிற்பட்டோா் மற்றும் சிறுபான்மையினா் நல அலுவலக கண்காணிப்பாளா் சி.சம்பத்குமாா் பேசினாா்.

தேனி, திண்டுக்கல் மற்றும் மதுரை மாவட்ட கள்ளா் பள்ளி ஆசிரியா்கள் 50-க்கும் மேற்பட்டோா் கலந்து கொண்டனா். தேனி கல்வி மாவட்ட செயலா் தே. சுந்தா் நன்றி கூறினாா்.

முகாமில் ஜாக்டோ ஜியோ போராட்டத்தில் கலந்து கொண்டு சிறை சென்ற கள்ளா் பள்ளி ஆசிரியா்கள் ப. வாஞ்சிநாதன், மோ. விநாயகமூா்த்தி, தே. சுந்தா், பாலகிருஷ்ணகுமாா், பிரேம் குமாா், செல்வேந்திரன், காா்த்திகை ராஜா, ஜெகநாதன், செந்தில்வேலு, விசுராஜா ஆகியோரை பாராட்டி நினைவுப்பரிசு வழங்கப்பட்டது.