கம்பம் மற்றும் சுற்றுவட்டாரக் கிராமங்களில் போலீஸாா் சாா்பில் கரோனா விழிப்புணா்வு பிரசார நிகழ்ச்சிகள் செவ்வாய்க்கிழமை நடைபெற்றன.

கம்பம் தெற்கு காவல் நிலைய ஆய்வாளா் என்.எஸ்.கீதா, ஆட்டோ மற்றும் வாடகை வேன், காா் ஓட்டுநா்கள் மற்றும் பொதுமக்களிடையே கரோனா தொற்று பரவலைக் கட்டுப்படுத்துவதற்கான அறிவுறைகளை வழங்கினாா்.

மேலும் ராயப்பன்பட்டி காவல் நிலைய எல்லைக்குள்பட்ட காமயக்கவுண்டன்பட்டி, நாராயணத்தேவன்பட்டி, சுருளிப்பட்டி மற்றும் கூடலூா் வடக்கு, தெற்கு காவல் நிலையங்களுக்கு உள்பட்ட கருநாக்கமுத்தன்பட்டி, குள்ளப்பகவுண்டன்பட்டி ஊராட்சிகளிலும் முகக் கவசம் அணிவது, சமூக இடைவெளியைக் கடைப்பிடிப்பது தொடா்பாக வாகன ஓட்டுநா்கள் மற்றும் பொதுமக்களுக்கு போலீஸாா் எடுத்துரைத்தனா்.