தேனியில் உலக புகைப்பட தின விழா

தேனியில் தேனி புகைப்பட கலைஞா்கள் மற்றும் விடியோ ஒளிப்பதிவாளா்கள் நலச் சங்கம் சாா்பில் வெள்ளிக்கிழமை, உலக புகைப்பட தின விழா நடைபெற்றது.

தேனியில் பெரியகுளம் சாலையில் உள்ள தனியாா் திருமண மண்டபத்தில் நடைபெற்ற விழாவுக்கு சங்கத்தின் செயலா் காளிதாஸ் தலைமை வகித்தாா். ஆலோசகா்கள் சிவக்குமாா், காளைபெருமாள், துணைத் தலைவா் பரமேஸ்வரன், பொருளாளா் சிவமூா்த்தி, வணிகா்கள் சங்கங்களின் பேரமைப்பு மாவட்டத் தலைவா் செல்வக்குமாா், பிளக்ஸ் உரிமையாளா்கள் சங்க மாவட்டத் தலைவா் பிரபு ஆகியோா் முன்னிலை வகித்தனா்.

இதில் புகைப்படக் கண்காட்சி, பொதுத் தோ்வில் அதிக மதிப்பெண் பெற்ற மாணவா்களுக்கு பரிசு வழங்கல், கண் தானம் பதிவு செய்தல், மூத்த புகைப்படக் கலைஞா்களை கெளரவித்தல் ஆகிய நிகழ்ச்சிகள் நடைபெற்றன. முன்னதாக, தேனி நகராட்சி பழைய பேருந்து நிலையம் அருகே நெகிழி ஒழிப்பு விழிப்புணா்வு நிகழ்ச்சியாக பொதுமக்களுக்கு துணைப் பைகளை வழங்கினா். புகைப்பட கலைஞா்கள் மற்றும் விடியோ ஒளிப்பதிவாளா்கள் கலந்து கொண்ட ஊா்வலம் நடைபெற்றது.