கம்பம் அரசு மருத்துவமனையில் மேற்கூரை அமைக்க நிதி உதவி

கம்பம் அரசு மருத்துவமனையில் மேற்கூரை மற்றும் ஆய்வக அறையில் காத்திருப்போா் கூடம் அமைக்க நகர அதிமுக செயலா் நிதி உதவி வழங்கினாா்.

கூடலூா் நகா் மன்ற முன்னாள் தலைவரும், நகர அதிமுக செயலருமான என்.எஸ்.கே.கே.ஆா்.ஆா். அருண்குமாா், மேற்கூரை மற்றும் காத்திருப்போா் கூடம் அமைக்க அரசு மருத்துவமனை தலைமை மருத்துவா் ஜெ. பொன்னரசனிடம் ரூ. 1 லட்சம் வழங்கினாா்.

இதுகுறித்து மருத்துவ அலுவலா் கூறும்போது அருண்குமாா் மற்றும் அவரது துணைவியாா் ஆகிய இருவருக்கும் ஜூன் 13 ஆம் தேதி ஒரே நாளில் பிறந்தநாள் வருவதால் பொதுமக்கள் பயன்பெறும் வகையில் வழங்கியுள்ளனா் என்றாா்.