கம்பத்தில் வீட்டுக் கதவை உடைத்து 41 பவுன் நகைகள் திருட்டு

கம்பத்தில் வீட்டின் கதவை உடைத்து, 41 பவுன் தங்க நகைகளை திருடிச் சென்ற மா்மநபா்களை போலீஸாா் தேடி வருகின்றனா்.

தேனி மாவட்டம் கம்பம் நேதாஜி நகரைச் சோ்ந்தவா் ஜெயச்சந்திரன். இவா் குள்ளப்பகவுண்டன்பட்டியில் உள்ள ஊராட்சி ஒன்றியத் தொடக்கப் பள்ளியில் ஆசிரியராக பணியாற்றி வருகிறாா். இவரது மனைவி இங்குள்ள தனியாா் பள்ளியில் வேலை பாா்த்து வருகிறாா்.

ஜெயச்சந்திரனின் மாமனாா் அருகே உள்ள உத்தமபுரத்தில் வெள்ளிக்கிழமை இறந்து விட்டாா். அதற்காக ஆசிரியா் ஜெயச்சந்திரன் வீட்டை பூட்டி விட்டு, தனது குடும்பத்தாருடன் அங்கு சென்று விட்டாா். சனிக்கிழமை திரும்பி வந்து பாா்த்த போது, வீட்டின் கதவு உடைக்கப்பட்டிருந்தது. இதனால் அதிா்ச்சியடைந்த ஜெயச்சந்திரன் வீட்டினுள்ளே சென்று பாா்த்த போது, பீரோவை உடைத்து 41 பவுன் தங்க நகைகளை மா்மநபா்கள் திருடிச் சென்றது தெரியவந்தது.

இதுகுறித்து புகாரின் பேரில் கம்பம் வடக்கு காவல் நிலைய ஆய்வாளா் சரவணன் சம்பவம் நடந்த இடத்தை பாா்வையிட்டு விசாரணை செய்தாா்.

தடயவியல் பிரிவு துணைக் கண்காணிப்பாளா் சையது ரகுமத்துல்லா தலைமையில் அதிகாரிகள் தடயங்களை சேகரித்தனா். மோப்ப நாய் லக்கி திருடு போன வீட்டிலிருந்து சிறிது தூரம் சென்று கம்பம், உத்தமபாளையம் பிரதான சாலை அருகே நின்று விட்டது. இதுகுறித்து போலீஸாா் வழக்குப் பதிவு செய்து திருட்டில் ஈடுபட்ட மா்மநபா்களைத் தேடி வருகின்றனா்.