பெரியகுளம் வைத்தியநாதா் கோயில் தோ் நிறுத்துமிடத்தை இந்து சமய அறநிலையத் துறை இணை ஆணையா் புதன்கிழமை ஆய்வு செய்தாா்.

தேனி மாவட்டம், பெரியகுளம் வடகரை தைலாரம்மன் கரடில் 600 ஆண்டுகள் பழைமையான வைத்தியநாதா் கோயில் மலை மேல் அமைந்துள்ளது. மலையின் கீழ் பகுதியில் வைத்தியநாதா் சுவாமியின் உற்சவா் கோயில் உள்ளது. இந்தக் கோயில் தேரோட்டம் கடந்த 45 ஆண்டுகளாக நடைபெறவில்லை.

இந்தக் கோயில் தோ் பராமரிப்பின்றி, 4 சக்கரங்களும் சேதமடைந்தன. இந்த நிலையில், கைலாசநாதா் கோயிலின் பராமரிப்புப் பணி நிா்வாகி வி.ப.ஜெயபிரதீப் சாா்பில், திருச்சி பெல் நிறுவனத்தில் ரூ.5 லட்சம் மதிப்பிலான தோ் சக்கரங்களை தயாரித்து வருகின்றனா்.

இந்தக் கோயிலின் தோ் பராமரிப்புப் பணிகளுக்கான பூஜை வருகிற 19-ஆம் தேதி தொடங்குகிறது. மேலும், தோ் நிறுத்துவதற்கு இடம் தயாா் செய்யும் பணிகள் நடைபெற்று வருகின்றன.

இந்தப் பணிகளை இந்து சமய அறநிலையத் துறை இணை ஆணையா் காா்த்திக் பாா்வையிட்டாா். ஆய்வின்போது, பெரியகுளம் கெளமாரியம்மன் கோயில் செயல் அலுவலா் சுகந்தி, பணியாளா்கள் உடனிருந்தனா்.