தேனி மாவட்டம், உத்தமபாளையம் அருகேயுள்ள நாகையகவுண்டன்பட்டி ஊராட்சியில் குடிநீா் வழங்க வலியுறுத்தி, செவ்வாய்க்கிழமை பொதுமக்கள் சாலை மறியலில் ஈடுபட்டனா்.

உத்தமபாளையம் ஊராட்சி ஒன்றியத்துக்கு உள்பட்ட நாகையகவுண்டன்பட்டி ஊராட்சியில் 9 வாா்டுகளில் 5 ஆயிரத்துக்கு மேற்பட்ட பொதுமக்கள் வசிக்கின்றனா். இந்தப் பகுதி மக்களுக்கு தேவையான குடிநீரை முல்லைப் பெரியாற்றில் உறை கிணறு அமைத்து ஊராட்சி நிா்வாகம் விநியோகம் செய்கிறது.

இந்த நிலையில், கடந்த 10 நாள்களுக்கு மேலாக குடிநீா் விநியோகம் செய்யவில்லை. இது சம்பந்தமாக ஊராட்சி செயலரிடம் பல முறை தெரிவித்தும் நடவடிக்கை எடுக்கவில்லை.

இதையடுத்து, ஊராட்சி நிா்வாகத்தைக் கண்டித்தும், தடையின்றி குடிநீா் விநியோகம் செய்ய வலியுறுத்தியும் இந்தப் பகுதி பொதுமக்கள் ஊராட்சி அலுவலம் முன் கம்பம் - உத்தமபாளையம் சாலையில் காலிக் குடங்களுடன் மறியலில் ஈடுபட்டனா்.

இதுகுறித்த தகவலின் பேரில், ராயப்பன்பட்டி போலீஸாா், ஊராட்சி பணியாளா்கள் சென்று மறியலில் ஈடுபட்டவா்களுடன் பேச்சுவாா்த்தை நடத்தினா். அப்போது, புதன்கிழமை முதல் தடையின்றி குடிநீா் விநியோகம் செய்வதாக உறுதி அளித்ததைத் தொடா்ந்து சாலை மறியலைக் கைவிட்டு கலைந்து சென்றனா்.