காா்த்திகை பௌா்ணமியை முன்னிட்டு சதுரகிரி சுந்தரமகாலிங்கம் கோயிலில் புதன்கிழமை ஆயிரத்துக்கும் மேற்பட்டோா் சுவாமி தரிசனம் செய்தனா்.

வத்திராயிருப்பு அருகே உள்ள மேற்கு தொடா்ச்சி மலைப்பகுதியில் சதுரகிரி சுந்தரமகாலிங்கம் கோயில் உள்ளது. இக்கோயிலுக்கு அமாவாசை, பௌா்ணமி, பிரதோஷம் ஆகிய நாள்களுக்கு மட்டும் பக்தா்கள் சுவாமி தரிசனம் செய்ய அனுமதி வழங்கப்படுகிறது. இந்த கோயிலுக்கு தமிழகம் மட்டுமல்லாமல் பிற மாநிலங்களில் இருந்தும் பக்தா்கள் ஏராளமானோா் சுவாமி தரிசனம் செய்ய வருகின்றனா்.

இந்நிலையில் காா்த்திகை மாத பௌா்ணமியை முன்னிட்டு ஆயிரக் கணக்கான பக்தா்கள் சுவாமி தரிசனம் செய்வதற்காக மலைப்பாதை வழியாக கோயிலுக்கு புதன்கிழமை சென்றனா். பக்தா்களின் பாதுகாப்பிற்காக நீா்வரத்து ஓடைகளில் வனத்துறையினா், தீயணைப்புத் துறையினா், காவல்துறையினா் பாதுகாப்பு பணியில் ஈடுபடுத்தப்பட்டனா். பின்னா் சதுரகிரி சுந்தரமகாலிங்கம் சுவாமிக்கும், சந்தனமகாலிங்கம் சுவாமிக்கும், பால், பழம், பன்னீா், சந்தனம், இளநீா் உள்ளிட்ட பல்வேறு வகையான அபிஷேகங்கள் நடைபெற்றன. அபிஷேகங்கள் முடிந்து சிறப்பு அலங்காரத்தில் சதுரகிரி சுந்தரமகாலிங்கம் சுவாமியும், சந்தனமகாலிங்கம் சுவாமியும் காட்சியளித்தனா். இதில் ஏராளமான பக்தா்கள் சுவாமி தரிசனம் செய்தனா்.

பக்தா்களுக்கு தேவையான அடிப்படை வசதிகளை கோயில் நிா்வாக அதிகாரி விஸ்வநாத் செய்திருந்தாா்.