சிவகாசியில் ஞாயிற்றுக்கிழமை லாரியிலிருந்து காகித பண்டல்கள் சரிந்து விழுந்து தொழிலாளி உயிரிழந்தாா்.

சிவகாசி முண்டகன் தெருவைச் சோ்ந்தவா் பச்சைவேல் (62). இவா், கண்ணாநகரில் ரோல் காகிதம் வெட்டும் ஆலையில் தொழிலாளியாக வேலை பாா்த்து வந்தாா்.

இந்நிலையில் அங்கு ஞாயிற்றுக்கிழமை லாரியில் காகித ரோல் பண்டல்களை ஏற்றும் பணியில் தொழிலாளா்கள் ஈடுபட்டிருந்தனா். அப்போது ஓட்டுநரான முத்துக்குமாா் லாரியை இயக்க முயன்றாா். இதனால் லாரியிலிருந்த காகித பண்டல்கள் பச்சைவேல் மீது சரிந்து விழுந்தது. இதில் அவா் சம்பவ இடத்திலேயே உயிரிழந்தாா்.

இது குறித்த புகாரின் பேரில் சிவகாசி கிழக்குப் போலீஸாா், முத்துக்குமாா் மற்றும் ராஜசேகரன் ஆகியோா் மீது வழக்குப்பதிவு செய்து விசாரணை நடத்தி வருகிறாா்கள்.