விருதுநகா், ஸ்ரீவிலி. பகுதிகளில் பெண்களிடம் தங்க நகைகள் பறிப்பு: 3 போ் கைது

விருதுநகா், ஸ்ரீவில்லிபுத்தூா் பகுதிகளில் பெண்களிடம் தங்க நகைகள் பறிக்கப்பட்ட வழக்கில் 3 பேரை தனிப்படை போலீஸாா் சனிக்கிழமை கைது செய்து சிறையில் அடைத்தனா்.

விருதுநகா் மணிநகரத்தைச் சோ்ந்தவா் வசந்தாமல்லிகா (65). இவா், கடந்த ஜூலை மாதம் வீட்டருகே நடைப்பயிற்சி மேற்கொண்ட போது, இருசக்கர வாகனத்தில் வந்தவா்கள், அவா் அணிந்திருந்த 3 பவுன் நகைகளைப் பறித்துச் சென்றனா். அதேபோல், ஜூலை 16 ஆம் தேதி ஸ்ரீவில்லிபுத்தூா் எஸ்எம்டி நகரைச் சோ்ந்த மணிமாறன் மனைவி திவ்யா (31) வீட்டுவாசலில் கோலமிட்ட போது, இருசக்கர வாகனத்தில் வந்த மா்ம நபா்கள், அவா் அணிந்திருந்த இரண்டரை பவுன் நகையை பறித்துக் கொண்டு தப்பி விட்டனா்.

இது தொடா்பாக தனிப்படை போலீஸாா் விசாரணை மேற்கொண்டனா். இந்நிலையில் கண்காணிப்பு கேமரா பதிவின் அடிப்படையில் சிறுவன் உள்பட 3 பேரை போலீஸாா் கைது செய்துள்ளனா். விசாரணையில், ஆந்திர மாநிலத்தைச் சோ்ந்த இவா்கள், சிவகாசி, செம்பட்டி, திண்டுக்கல் பகுதிகளில் தங்கியிருந்தது தெரியவந்தது.

இவா்கள் விருதுநகா், ஸ்ரீவில்லிபுத்தூா் பகுதிகள் மட்டுமல்லாது பேரையூா், ஒட்டன்சத்திரம் பகுதிகளிலும் நகை பறிப்பில் ஈடுபட்டிருப்பது தெரிந்தது. இதையடுத்து அவா்களிடமிருந்த 5.5 பவுன் நகையை மீட்ட போலீஸாா், முகமது பாபா (24), ரஷியா (35) ஆகியோரை கைது செய்து விருதுநகா் சிறையில் வெள்ளிக்கிழமை அடைத்தனா். மேலும் இந்த வழக்கில் தொடா்புடைய ரஷியாவின் 16 வயது மகனை மேலூா் கூா்நோக்குப் பள்ளியில் போலீஸாா் சோ்த்தனா்.