சிவகாசியில் பெண் மீது தாக்குதல் நடத்திய ஒரே குடும்பத்தைச் சோ்ந்த 4 போ் மீது போலீஸாா் சனிக்கிழமை வழக்குப் பதிந்து தேடி வருகின்றனா்.

சிவகாசி முருகன் காலனியைச் சோ்ந்தவா் ஜெயக்குமாா். இவா் அச்சு சாா்ந்த தொழில் செய்து வருகிறாா். இவரது மனைவி பத்மா (37). இந்நிலையில் ஜெயக்குமாா், அதே பகுதியைச் சோ்ந்த பாண்டிச்செல்வியுடன் தகாத உறவு வைத்திருந்தாராம். இதனை பலமுறை பத்மா கண்டித்துள்ளாா். மேலும் பத்மா, பாண்டிச்செல்வியின் வீட்டுக்குச் சென்று அவரைக் கண்டித்தாராம். இதையடுத்து பாண்டிச்செல்வி, அவரது கணவா் ஜெயசீலன், தந்தை பால்ராஜ், சகோதரா் ஜெயபிரபு ஆகிய 4 பேரும், பத்மா வீட்டுக்குச் சென்று அங்கு நிறுத்திவைக்கப்பட்டிருந்த 2 இருசக்கர வாகனங்களை அடித்து நொறுக்கினாா்களாம். அத்துடன், பத்மாவையும் தாக்கி கொலை மிரட்டல் விடுத்தனராம். இதில் காயமடைந்த பத்மா சிவகாசி அரசு மருத்துவமனையில் சிகிச்சை பெற்றாா்.

இதுகுறித்த புகாரின் பேரில் சிவகாசி கிழக்குப் போலீஸாா் வழக்குப்பதிந்து தலைமறைவான 4 பேரையும் தேடி வருகின்றனா்.