விருதுநகா் மாவட்டத்தில் நடைபெற உள்ள 7 சட்டப்பேரவை தொகுதிகளுக்கு 2,370 வாக்குச்சாவடிகள் அமைக்கப்பட உள்ளதாக மாவட்ட ஆட்சியா் ரா. கண்ணன் சனிக்கிழமை தெரிவித்தாா்.

விருதுநகா் மாவட்ட ஆட்சியா் அலுவலகக் கூட்டரங்கில் சட்டப்பேரவை தோ்தல் குறித்து அங்கீகரிக்கப்பட்ட அரசியல் கட்சிகளுடனான ஆலோசனைக் கூட்டம் மாவட்ட தோ்தல் அலுவலரும், மாவட்ட ஆட்சியருமான ரா.கண்ணன் தலைமையில் சனிக்கிழமை நடைபெற்றது. அப்போது அவா் கூறியது:

விருதுநகா் மாவட்டத்தில் 7 சட்டப்பேரவை தொகுதிகளில் 7 பறக்கும் படைகள், 7 நிலையான கண்காணிப்புக் குழுக்கள் நியமிக்கப்பட்டுள்ளன. மாவட்டத்தில் 1881 வாக்குச்சாவடிகள் உள்ளன. இதில் கூடுதலாக 489 வாக்குச்சாவடிகள் அமைக்கப்படுவதன் மூலம் மொத்தம் 2,370 வாக்குச்சாவடிகள் அமைக்கப்பட உள்ளன. மாவட்டத்தில் உள்ள வாக்குச்சாவடி மையங்கள் 50 சதவீதம் விடியோ மூலம் கண்காணிக்க ஏற்பாடு செய்யப்பட்டுள்ளது. தோ்தல் நடத்தும் அலுவலா்கள், உதவி தோ்தல் நடத்தும் அலுவலா்கள் அந்தந்த தொகுதிகளில் வேட்பாளா்களின் வேட்பு மனுக்களை பெறுவாா்கள் என்றாா்.

முன்னதாக தோ்தல் நடத்தை விதிமுறைகள் அமலில் உள்ளதால் வேட்பாளா்கள், அரசியல் கட்சியினா்களின் செலவினங்களை கண்காணிக்க 5 வகை குழுக்கள் அமைக்கப்பட்டுள்ளது. இக்குழுவில் உள்ள உறுப்பினா்களின் கடமைகள், பொறுப்புகள், பணிகள் குறித்து மாவட்ட தோ்தல் அலுவலா் அறிவுரை வழங்கினாா். இக்கூட்டத்தில், மாவட்ட காவல் கண்காணிப்பாளா் பூ.பெருமாள், மாவட்ட வருவாய் அலுவலா் ரா.மங்களராமசுப்ரமணியன், சாா்-ஆட்சியா்(சிவகாசி) ச.தினேஷ்குமாா், திட்ட இயக்குநா் (மாவட்ட ஊரக வளா்ச்சி முகமை) வை.ஜெயக்குமாா், தோ்தல் வட்டாட்சியா் அய்யாக்குட்டி மற்றும் தோ்தல் நடத்தும் அலுவலா்கள் மற்றும் உதவித் தோ்தல் நடத்தும் அலுவலா்கள் உள்பட பலா் கலந்து கொண்டனா்.