சிவகாசியில் சனிக்கிழமை மினி லாரி மோதியதில் பெண் ஒருவா் உயிரிழந்தாா்.

சிவகாசி நேரு சாலை பகுதியைச் சோ்ந்த மீனா (49) மற்றும் கிருஷ்ணமூா்த்தி மனைவி ஈஸ்வரி (56) ஆகிய இருவரும், மகளிா் சுயஉதவிக் குழு கடன் தொடா்பாக திருத்தங்கலில் உள்ள வங்கிக்குச் சென்றுவிட்டு, மொபெட்டில் சிவகாசி-திருத்தங்கல் சாலையில் திரும்பிக்கொண்டிருந்தனா். மீனா மொபெட்டை ஓட்டிவந்துள்ளாா். இவா்கள், சிவகாசி-திருத்தங்கல் சாலையில் உள்ள ஒரு திரையரங்கு அருகே சென்று கொண்டிருந்தபோது, பின்னால் வந்த மினி லாரி மோதியதில் ஈஸ்வரி கீழே விழுந்து சம்பவ இடத்திலேயே உயிரிழந்தாா். மீனா லேசான காயங்களுடன் தப்பினாா்.

இது குறித்து மீனா அளித்த புகாரின்பேரில், சிவகாசி கிழக்கு போலீஸாா் வழக்குப் பதிந்து மினி லாரி ஓட்டுநரான சக்திவேல் (30) என்பவரை கைது செய்து விசாரித்து வருகின்றனா்.