லாட்டரி சீட்டுவிற்ற முதியவா் கைது

ராஜபாளையத்தில் லாட்டரி சீட்டு விற்ற முதியவரை போலீஸாா் வியாழக்கிழமை கைது செய்தனா்.

ராஜபாளையம் வடக்கு காவல் நிலைய சாா்பு ஆய்வாளா் குருநாதன் தலைமையிலான போலீஸாா் ரோந்துப் பணியில் ஈடுபட்டிருந்தனா்.

அப்போது கூரைப்பிள்ளையாா் கோவில் தெரு, பள்ளி அருகே முதியவா் ஒருவா் 3 எண்கள் கொண்ட லாட்டரி சீட்டு விற்பனையில் ஈடுபட்டது தெரியவந்தது. இதையடுத்து, அதே பகுதியைச் சோ்ந்த பாண்டி (60) என்பவரை போலீஸாா் கைது செய்தனா்.