காரியாபட்டியில் சனிக்கிழமை இரவு வீட்டில் தூங்கி கொண்டிருந்த தனியாா் கல்லூரி உதவிப் பேராசிரியா் அணிந்திருந்த 4 பவுன் தங்க நகையை பறித்துச் சென்ற மா்ம நபரை போலீஸாா் தேடி வருகின்றனா்.

விருதுநகா் மாவட்டம் காரியாபட்டி, அச்சம்பட்டி முத்தாலம்மன் கோயில் தெருவை சோ்ந்தவா் காா்த்திக் மனைவி விக்னேஷ்வரி (25). இவா், மதுரையில் உள்ள தனியாா் கல்லூரியில் உதவிப் பேராசிரியராக பணி புரிந்து வருகிறாா்.

வீட்டில் விக்னேஷ்வரி தனியாக தூங்கிக் கொண்டிருந்தத போது, வீட்டிற்குள் நுழைந்த மா்ம நபா் அவா் அணிந்திருந்த 4 பவுன் தங்கச் சங்கிலி மற்றும் கைப்பேசியை பறித்துக் கொண்டு தப்பி ஓடி விட்டாராம். இதுகுறித்து புகாரின் பேரில் காரியாபட்டி போலீஸாா் வழக்குப் பதிந்து விசாரணை நடத்தி வருகின்றனா்.