ஸ்ரீவில்லிபுத்தூா் அருகே நடைப்பயிற்சி சென்ற மருத்துவரிடம் கைப்பேசியை வியாழக்கிழமை பறித்துச் சென்றவா்களை போலீஸாா் தேடி வருகின்றனா்.

விருதுநகா் மாவட்டம், ஸ்ரீவில்லிபுத்தூா் கோட்டை தலைவாசல் தெருவைச் சோ்ந்த மருத்துவா் சபரிகீா்த்தன் (29). இவா், ஸ்ரீவில்லிபுத்தூா்- செண்பகத்தோப்பு சாலையில் நடைப்பயிற்சி சென்றாா்.

அப்போது நாடாா் நந்தவனம் அருகே சென்ற போது, பதிவு எண் இல்லாத இரு சக்கர வாகனத்தில் வந்த மூவா், சபரிகீா்த்தனின் கைப்பேசியைப் பறித்துச் சென்றனா். இதுகுறித்து ஸ்ரீவில்லிபுத்தூா் நகா் போலீஸாா் வழக்குப் பதிந்து விசாரிக்கின்றனா்.