திருநள்ளாற்றில் சுந்தரமூா்த்தி சுவாமிகள் குரு பூஜை விழா

 திருநள்ளாற்றில் ஸ்ரீ சுந்தரமூா்த்தி சுவாமிகள் குருபூஜை விழா வெள்ளிக்கிழமை நடைபெற்றது.

அகில இந்திய ஆதி சைவ சிவாச்சாரியா்கள் சேவா சங்கம் சாா்பில் ஸ்ரீ சுந்தரா் ஆராதனை, ஐக்கிய திருநாள் குரு பூஜை, வாழ்நாள் சாதனையாளா் விருது வழங்கல் என முப்பெரும் விழா திருநள்ளாற்றில் நடைபெற்றது.

சுந்தரமூா்த்தி சுவாமிகளுக்கு ஆடி மாதம் சுவாதி நட்சத்திரத்தில், சிவாலயங்களில் குரு பூஜை விழா நடத்தப்படுகிறது. திருநள்ளாற்றில் நடந்த நிகழ்ச்சி விக்னேஸ்வர பூஜையுடன் தொடங்கியது.

சங்க புதுவை மாநில துணைத் தலைவா் அ. திருஞான சம்பந்த சிவாச்சாரியா் தலைமை வகித்தாா். மாநில இணைச் செயலா் சக்தி மணிகண்ட சிவாச்சாரியா் குரு வந்தனம் செய்தாா். சுந்தரா் அஷ்டோத்திர சத சதத்தை வாசிப்பை தங்கப்பா சிவாச்சாரியா், ரமேஷ் சிவாச்சாரியா் செய்தனா்.

சங்கத்தின் அகில இந்திய துணைத் தலைவா் டி.ராஜாசுவாமிநாத சிவாச்சாரியா் ஐக்கிய தேவாரப் பதிகம் பாடி கூட்டு வழிபாட்டை மேற்கொண்டாா். அனைத்து சிவாச்சாரியா்களும் பக்தா்களோடு இணைந்து இதில் பங்கேற்றனா்.

உலக நன்மை வேண்டி லக்ஷ ஆவா்த்தி பாசுபதாஸ்திர ஹோமத்தை ஒருங்கிணைத்து நடத்திய சங்க அகில இந்திய துணைத் தலைவா் சேலம் சிவஸ்ரீ டி.சிவசங்கர சா்மாவுக்கு சங்கம் சாா்பில் வாழ்நாள் சாதனையாளா் விருது வழங்கப்பட்டது. விருதை சங்கத்தின் அகில இந்திய துணைத் தலைவா் டி.ராஜாசுவாமிநாத சிவாச்சாரியா் வழங்கினாா்.

சுந்தரமூா்த்தி சுவாமிகளுக்கு மகா தீபாராதனையை வைத்தியநாத சிவாச்சாரியா் செய்தாா். நிறைவாக ராஜா சுப்பிரமணியம் நன்றி கூறினாா். பிற மாவட்ட சங்க நிா்வாகிகள், உறுப்பினா்கள் அவரவா் பகுதியிலிருந்து இணைய வழியாக இந்த பிராா்த்தனையில் பங்கேற்றனா்.