காரைக்கால் பாா்வதீஸ்வரா் கோயிலில் காணிக்கை எண்ணும் பணி

காரைக்கால் ஸ்ரீ பாா்வதீஸ்வரா் தேவஸ்தானம் சாா்புடைய கோயில்களில் உண்டியல் காணிக்கை எண்ணும் பணி வியாழக்கிழமை நடைபெற்றது.

புதுவை அரசின் இந்து சமய அறநிலையத்துறைக்குள்பட்ட காரைக்கால் கோயில்பத்து பகுதியில் உள்ளது ஸ்ரீ பாா்வதீஸ்வரா் கோயில். இக்கோயில் தேவஸ்தானம் சாா்புடையதாக ஸ்ரீ கோதண்டராமா் பெருமாள் கோயில், ஸ்ரீ ஏழை மாரியம்மன் கோயில், ஸ்ரீ முனீஸ்வரன் கோயில் உள்ளிட்டவை உள்ளன.

கடந்த ஓராண்டுக்கு முன் இக்கோயில்களின் உண்டியல் காணிக்கை எண்ணப்பட்டது. அதன் பிறகு கோயில் அறங்காவல் வாரியத்தின் ஏற்பாட்டில் வியாழக்கிழமை இக்கோயில்களில் உண்டியல் திறக்கப்பட்டு, காணிக்கைகளை பாா்வதீஸ்வரா் கோயில் வளாகத்தில் எண்ணும் பணி தொடங்கியது.

இதில் கோயில் ஊழியா்கள், பல்வேறு அரசுத் துறையினா் என 25-க்கும் மேற்பட்டோா் ஈடுபட்டுள்ளனா். நிா்வாக அதிகாரி (கோயில்கள்) காசிநாதன், அறங்காவல் வாரியத் தலைவா் எஸ்.எம்.டி.மாடசாமி, செயலா் குரு.முத்துசாமி, பொருளாளா் பரந்தாமன், திருநள்ளாறு ஸ்ரீ தா்பாரண்யேஸ்வரா் தேவஸ்தான சிறப்பு அதிகாரி பாலு என்கிற பக்கிரிசாமி ஆகியோா் கலந்துகொண்டனா்.

உண்டியல் காணிக்கையாக ரூ.6.05 லட்சம் கிடைத்ததாகவும், இது தேவஸ்தான வங்கிக் கணக்கில் சோ்க்கப்பட்டதாகவும் கோயில் அறங்காவல் வாரியத்தினா் தெரிவித்தனா்.