தவக்கால நிறைவு வாரம்: காரைக்காலில் பாதம் கழுவும் நிகழ்ச்சி

தவக்கால முக்கிய நிகழ்வான பாதம் கழுவும் நிகழ்ச்சி, காரைக்கால் தூய தேற்றரவு அன்னை ஆலயம் சாா்பில் வியாழக்கிழமை நடைபெற்றது.

கிறிஸ்தவா்கள் மேற்கொண்டுள்ள 46 நாள் தவக்காலத்தின் நிறைவு வாரம் புனித வாரமாக கடைப்பிடிக்கப்படுகிறது. கடந்த ஞாயிற்றுக்கிழமை குருத்தோலை பவனி நடைபெற்றது. வெள்ளிக்கிழமை நடைபெறக்கூடிய புனித வெள்ளியையொட்டி, வியாழக்கிழமை காரைக்காலில் புகழ்பெற்ற தூய தேற்றரவு அன்னை ஆலயம் சாா்பில் பாதம் கழுவும் நிகழ்ச்சி நடைபெற்றது.

இயேசு தனது சீடா்களின் பாதம் கழுவி, ஒருவருக்கொருவா் ஏற்றத்தாழ்வு இல்லை, சமமானவா்கள் என்பதை வலியுறுத்தும் வகையில் புனித நிகழ்வை நடத்தினாா். அதை சந்ததியினருக்கு எடுத்துக்கூறும் வகையில், ஐதீக நிகழ்வாக, நிா்மலா ராணி பெண்கள் மேல்நிலைப் பள்ளி வளாகத்தில், பங்குத் தந்தை அந்தோணி லூா்துராஜ் தலைமையில் பங்கு மக்களின் பாதங்களை கழுவி முத்தமிடும் நிகழ்ச்சி வியாழக்கிழமை நடைபெற்றது. இதில் ஏராளமானோா் பங்கேற்றனா்.

வேளாங்கண்ணிக்கு பாத யாத்திரையாக செல்லும் பக்தா்கள் பலரும் இந்நிகழ்வில் பங்கேற்றனா். திரளான பக்தா்களிடையே அருட்தந்தையா்கள் உரையாற்றினா்.