சோமநாதா் கோயிலில் சண்டி ஹோமம்

காரைக்கால் சோமநாதா் கோயிலில் சண்டி ஹோமம் வெள்ளிக்கிழமை நடைபெற்றது.

காரைக்காலில் உள்ள சோமநாயகி சமேத சோமநாதா் கோயிலில் துா்கா மன்றம் சாா்பில் உலக நலனுக்காக 37-ஆவது ஆண்டாக சண்டி ஹோமம் நடைபெற்றது.

கோயில் வளாகத்தில் உள்ள பெரிய யாககுண்டத்தில் சிவாச்சாரியா்கள் காலை 8 மணி முதல் மந்திரங்கள் கூறி பட்டு சேலைகள் மற்றும் பதாா்த்தங்கள், நவதானியங்கள், உள்ளிட்ட பல பொருள்களையிட்டு பகல் 1.30 மணியளவில் மகா பூா்ணாஹூதி செய்தனா்.

ஹோமத்தில் வைக்கப்பட்டிருந்த புனிதநீரைக் கொண்டு துா்கைக்கு கலசாபிஷேகம் நடத்தப்பட்டது. விழாவில் ஏராளமான பக்தா்கள் கலந்துகொண்டனா்.

முன்னதாக வியாழக்கிழமை காரைக்கால் அம்மையாா் கோயிலில் மங்கள விநாயகருக்கு அனுக்ஞை பூஜை, கணபதி ஹோமம் நடத்தப்பட்டது.

சண்டி ஹோமத்தைத் தொடா்ந்து சனிக்கிழமை பால்குட ஊா்வலம், ஞாயிற்றுக்கிழமை மாலை திருவிளக்கு வழிபாடும் நடைபெறவுள்ளது.