காரைக்கால்: காரைக்காலில் வரும் 14-ஆம் தேதி சிறப்பு சந்தை நடைபெறவுள்ளதாக நகராட்சி நிா்வாகம் அறிவித்துள்ளது.

இதுகுறித்து காரைக்கால் நகராட்சி ஆணையா் ஜி. செந்தில்நாதன் புதன்கிழமை வெளியிட்ட செய்திக்குறிப்பு:

காரைக்கால் நகராட்சி சாா்பில் ஞாயிற்றுக்கிழமைகளில் வார சந்தை நடைபெற்றுவருகிறது. இந்தநிலையில், பொதுமக்களின் வேண்டுகோளுக்கிணங்க, பொங்கல் திருநாளை முன்னிட்டு சிறப்பு வார சந்தை வரும் சனிக்கிழமை (ஜன 14) நடைபெற உள்ளது.

பொதுமக்கள் இந்த வாய்ப்பை பயன்படுத்திக் கொள்ளுமாறு அதில் கேட்டுக்கொண்டுள்ளாா்.