குளத்தில் மூழ்கிபள்ளி மாணவா் பலி

காரைக்காலில் குளத்தில் மூழ்கி பள்ளி மாணவா் உயிரிழந்தாா்.

காரைக்கால் சின்னக்கண்ணு செட்டித் தெருவை சோ்ந்த குமாா் - லதா தம்பதியின் மகன் பிரதாப் (13). இவா் காரைக்காலில் உள்ள அரசுப் பள்ளியில் 9-ஆம் வகுப்பு படித்து வந்தாா்.

இவரது தாயாா் சனிக்கிழமை வேலைக்குச் சென்றுவிட்ட நிலையில், பிரதாப் நண்பா்களுடன் விளையாடச் சென்றாராம். இரவு நீண்ட நேரமாகியும் மகன் வீடு திரும்பாத நிலையில், காரைக்கால் நகரக் காவல் நிலையத்தில் லதா புகாா் அளித்தாா்.

இந்நிலையில் ஞாயிற்றுக்கிழமை கோயில்பத்து பாா்வதீஸ்வரா் கோயில் அருகே உள்ள குளத்தில் பிரதாப் சடலமாக மீட்கப்பட்டாா். விளையடி முடித்துவிட்டு குளத்தில் குளிக்கச் சென்றபோது அவா் நீரில் முழ்கி இறந்திருக்கலாம் என்று போலீஸாா் விசாரணையில் தெரியவந்தது. இதுகுறித்து போலீஸாா் விசாரணை மேற்கொண்டனா்.