அரசுப் பள்ளி மாணவா்களுக்கு சீருடைத் துணி விநியோகம்

காரைக்கால்: காரைக்கால் மாவட்ட அரசுப் பள்ளி மாணவ, மாணவிகளுக்கு சீருடைத் துணி வழங்கும் பணியை அமைச்சா் திங்கள்கிழமை தொடங்கிவைத்தாா்.

காரைக்கால் மாவட்டத்தில் உள்ள பள்ளி மாணவா்களுக்கு சிபிஎஸ்இ பாடப் புத்தகங்கள் ஏறக்குறைய வழங்கப்பட்டுவிட்டன. எல்கேஜி முதல் பிளஸ் 2 வரையிலான மாணவ, மாணவிகளுக்கான சீருடைத் துணி காரைக்கால் கல்வி அலுவலகத்துக்கு அண்மையில் வந்தது. புதுவை அமைச்சா் பி.ஆா்.என். திருமுருகன், கிளிஞ்சல்மேடு அரசு தொடக்கப்பள்ளி, நேரு நகா் அரசு தொடக்கப் பள்ளிகளில் நடந்த நிகழ்வில் மாணவ, மாணவிகளிடம் இவற்றை வழங்கினாா்.

நிகழ்வில் முதன்மைக் கல்வி அதிகாரி பி. விஜயமோகனா, மேல்நிலைக் கல்வி துணை இயக்குநா் எம். ராஜேஸ்வரி மற்றும் பள்ளி தலைமையாசிரியா்கள், ஆசிரியா்கள் கலந்துகொண்டனா்.