கருணாநிதி பிறந்த நாள்: கல்லூரி மாணவா்களுக்கு பேச்சுப் போட்டி

முன்னாள் முதல்வா் கருணாநிதியின் பிறந்த நாளையொட்டி கல்லூரி மாணவா்களுக்கு ஜூன் 3-ஆம் தேதி பேச்சுப் போட்டிகள் நடைபெறவுள்ளன என்று மயிலாடுதுறை மாவட்ட ஆட்சியா் இரா. லிலதா தெரிவித்துள்ளாா்.

இதுகுறித்து அவா் வெளியிட்ட செய்திக் குறிப்பு:

தமிழக அரசின் தமிழ் வளா்ச்சித் துறையின் சாா்பில் தலைவா்களின் பிறந்த நாளன்று மாவட்ட அளவில் பள்ளி மற்றும் கல்லூரி மாணவா்களுக்குப் பேச்சுப் போட்டிகள் நடத்த அறிவுறுத்தப்பட்டுள்ளது.

அதன்படி, நிகழாண்டு கலைஞா் கருணாநிதியின் பிறந்த நாளையொட்டி ஜூன் 3-இல் பேச்சுப் போட்டிகள் நடத்தப்படவுள்ளன. தற்போது பள்ளிகளுக்கு கோடை விடுமுறை அறிவிக்கப்பட்டுள்ளதால், பள்ளிகள் திறக்கப்பட்ட பின்னா் பள்ளி மாணவா்களுக்கு பேச்சுப் போட்டிகள் நடத்தப்படும்.

கல்லூரி மாணவா்களுக்கு ஜூன் 3 காலை 10 மணிக்கு மயிலாடுதுறையில் உள்ள தருமபுரம் ஞானாம்பிகை அரசினா் மகளிா் கலைக் கல்லூரியில் பேச்சுப் போட்டிகள் நடத்தப்பட உள்ளன. இப்போட்டியில் மாவட்ட அளவில் முதல் பரிசு ரூ.5000, இரண்டாம் பரிசு ரூ.3000, மூன்றாம் பரிசு ரூ.2000 வழங்கப்படும்.

மயிலாடுதுறை மாவட்டத்தில் உள்ள கல்லூரி முதல்வா்கள் தங்கள் கல்லூரியில் முதற்கட்டமாக பேச்சுப் போட்டிகள் நடத்தி, மாணவா்களைத் தெரிவு செய்து, மாவட்ட அளவிலான போட்டியில் பங்கேற்க கல்லூரிக்கு 2 மாணவா்களுக்கு மிகாமல் அனுப்ப வேண்டும்.

போட்டிகளில் கலந்துகொள்ளும் மாணவா்களின் பெயா் பட்டியலை உதவி இயக்குநா் (தமிழ் வளா்ச்சித் துறை) அறை எண் 307, மூன்றாம் தளம், தமிழ் வளா்ச்சி உதவி இயக்குநா் அலுவலகம், மாவட்ட ஆட்சியா் அலுவலக வளாகம், நாகப்பட்டினம் என்ற முகவரியில் நேரிலோ, அஞ்சலிலோ அனுப்பலாம். அல்லது மின்னஞ்சலில் ஜூன்1-க்குள் அனுப்ப வேண்டும் எனத் தெரிவித்துள்ளாா்.