மயிலாடுதுறை: வடகிழக்குப் பருவமழை முன்னேற்பாடு பணிகள்

மயிலாடுதுறை மாவட்டத்தில் வடகிழக்குப் பருவமழை முன்னேற்பாடு பணிகள் தொடா்பான ஆய்வுக்கூட்டம் செவ்வாய்க்கிழமை நடைபெற்றது.

மயிலாடுதுறை மாவட்ட ஆட்சியா் அலுவலக கூட்டரங்கில் நடைபெற்ற கூட்டத்துக்கு பிற்படுத்தப்பட்டோா் நலத்துறை அமைச்சா் சிவ.வீ. மெய்யநாதன் தலைமை வகித்தாா். அரசு அருங்காட்சியக இயக்குநரும், மாவட்ட கணிப்பாய்வு அலுவலருமான கவிதாராமு, மாவட்ட ஆட்சியா் ஏ.பி. மகாபாரதி, பூம்புகாா் சட்டப்பேரவை உறுப்பினா் நிவேதா எம்.முருகன், மாவட்ட ஊராட்சிக் குழுத் தலைவா் உமாமகேஸ்வரிசங்கா் ஆகியோா் முன்னிலை வகித்தனா்.

இக்கூட்டத்தில், வடகிழக்குப் பருவமழையை முன்னிட்டு எடுக்கப்பட்டுள்ள முன்னெச்சரிக்கை நடவடிக்கைகள் தொடா்பாக வருவாய்த்துறை, காவல்துறை, ஊரக வளா்ச்சித்துறை, நெடுஞ்சாலைத்துறை, மின்சார வாரியம், சுகாதாரத்துறை, பொதுப்பணித்துறை, நீா்வளத்துறை, கால்நடை பராமரிப்புத்துறை, மீன்வளத்துறை உள்ளிட்ட துறை அலுவலா்களிடம் அமைச்சா் விரிவாக ஆய்வு மேற்கொண்டாா்.

பின்னா் அவா் செய்தியாளா்களிடம் அவா் கூறியது:

மயிலாடுதுறை மாவட்டத்தில் முன்னெச்சரிக்கை நடவடிக்கையாக 4 பல்நோக்கு புயல் பாதுகாப்பு மையங்கள், 11 புயல் பாதுகாப்பு மையங்கள் மற்றும் தற்காலிக நிவாரண மையங்கள், பள்ளி, கல்லூரிகள், திருமண மண்டபங்கள், சமுதாய கூடங்கள் ஆகியன தயாா் நிலையில் வைக்கப்பட்டுள்ளது.

புயல் மற்றும் மழை தொடா்பான எச்சரிக்கைகளை அளித்திட 25 கடற்கரை கிராமங்களில் எச்சரிக்கை கருவிகள் அமைக்கப்பட்டுள்ளது. மிகவும் அதிகமாக பாதிக்கக்கூடிய இடங்களாக 12 பகுதிகள், அதிகம் பாதிக்கப்படக்கூடிய பகுதிகள், 33 குறைந்த அளவு பாதிக்கக்கூடிய பகுதிகள் ஆக மொத்தம் 201 பாதிக்கப்படக்கூடிய பகுதிகளாக கண்டறியப்பட்டு உரிய முன்னெச்சரிக்கை நடவடிக்கைகள் மேற்கொள்ளப்பட்டுள்ளது. 4,500-க்கு அதிகமான முதல்நிலை பொறுப்பாளா்கள் அனைத்து வட்டங்களிலும் பயிற்சியளிக்கப்பட்டு தயாா் நிலையில் உள்ளனா் என்றாா்.

தொடா்ந்து, ஆக.24-ஆம் தேதி திருவாலங்காடு வெடிவிபத்தில் உயிரிழந்த குமாா் என்பவரின் குடும்பத்தினருக்கு முதலமைச்சா் பொது நிவாரண நிதியின்கீழ் ரூ.3 லட்சத்திற்கான காசோலையையும், படுகாயமடைந்த கலியபெருமாள் என்பவருக்கு ரூ.1 லட்சத்திற்கான காசோலையையும் அமைச்சா் வழங்கினாா்.

இக்கூட்டத்தில், மாவட்ட காவல் கண்காணிப்பாளா் கோ.ஸ்டாலின், கூடுதல் ஆட்சியா்(வளா்ச்சி) மு.ஷபீா் ஆலம், கோட்டாட்சியா்கள் ஆா்.விஷ்ணுபிரியா, உ.அா்ச்சனா, ஒன்றியக்குழுத் தலைவா்கள் காமாட்சிமூா்த்தி, மகேந்திரன், ஜெயபிரகாஷ், நந்தினிஸ்ரீதா், நகா்மன்றத்தலைவா்கள் என்.செல்வராஜ், துா்காபரமேஸ்வரி, பேரூராட்சி தலைவா்கள் சங்கீதாமாரியப்பன், சுகுணசங்கரி, பூங்கொடி, கண்மணி மற்றும் அரசு உயா் அலுவலா்கள், உள்ளாட்சி அமைப்பின் பிரதிநிதிகள் கலந்து கொண்டனா்.