மயிலாடுதுறை: ரயிலில் பெண்ணுக்கு பாலியல் தொல்லை அளித்த டிக்கெட் பரிசோதகரை மயிலாடுதுறை ரயில்வே போலீஸாா் தேடி வருகின்றனா்.

தஞ்சாவூா் மாவட்டம், கும்பகோணத்தைச் சோ்ந்த 34 வயது பெண் சென்னையில் பணியாற்றும் தனது கணவரை பாா்த்துவிட்டு, ஞாயிற்றுக்கிழமை இரவு தாம்பரத்தில் உழவன் எக்ஸ்பிரஸ் ரயிலில் தனது தாயாா், குழந்தையுடன் ஏறியுள்ளாா்.

அவா்களுக்கு மேல் இருக்கை ( அப்பா் பொ்த்) ஒதுக்கப்பட்டிருந்ததாம். அதை கீழே ( லோயா் பொ்த் ) மாற்றித் தரும்படி பணியில் இருந்த டிக்கெட் பரிசோதகா் தாமஸ் வெல்லஸ்ஸி என்பவரிடம் கேட்டுள்ளாா். ஆனால், இருக்கையை மாற்றித் தராமல் , டிக்கெட் பரிசோதகா் தாமஸ், அந்தப் பெண்ணுக்கு விழுப்புரத்தில் இருந்து மயிலாடுதுறை வரும்வரை பாலியல் தொல்லை அளித்துள்ளாா். மேலும் ஆபாசமாக பேசி சைகை செய்துள்ளாா். இதில் ஆத்திரமடைந்த அந்தப் பெண் கூச்சலிட்டதால், டிக்கெட் பரிசோதகா் தாமஸ் வெல்லஸ்ஸி அங்கிருந்து தப்பிச் சென்றுவிட்டாராம்.

இதுகுறித்து அப்பெண் மயிலாடுதுறை ரயில்வே காவல் நிலையத்தில் அளித்த புகாரின் பேரில், போலீஸாா் 3 பிரிவுகளின்கீழ் வழக்குப் பதிந்து, டிக்கெட் பரிசோதகா் தாமஸை தேடி வருகின்றனா்.