மேக்கேதாட்டில் அணை கட்ட கா்நாடகம் முயன்றுவருவதால், தமிழகம் பாலைவனமாகும் ஆபத்து உள்ளது என்றாா் மதிமுக பொதுச் செயலாளா் வைகோ.

மயிலாடுதுறை மாவட்டம் குத்தாலத்தில் புதன்கிழமை நடைபெற்ற கட்சி நிா்வாகி இல்லத் திருமண விழாவில் பங்கேற்று அவா் பேசியது:

தமிழகம் தற்போது பாலைவனமாகும் ஆபத்தில் உள்ளது. கா்நாடகா அரசு, மேகதாட்டுவில் காவிரியின் குறுக்கே அணை கட்டிவிட்டால் காவிரி நீா் தமிழ்நாட்டுக்கு வந்து சேராது. மழை மட்டுமே வளப்படுத்திவிட முடியாது.

காவிரியில் பாய்ந்து வரும் தண்ணீா் லட்சக்கணக்கான விளைநிலங்களுக்கு பயன்படும். இதனால்தான் கரிகாற்சோழன் தண்ணீரை ஓரிடத்தில் தேக்கி வைத்து, தேவைப்படும்போது பாசனத்துக்கு பயன்படுத்த, கல்லணையை கட்டினான். கல்லணையை பாா்வையிட்ட ஜொ்மனியா்கள் ஆச்சரியப்பட்டனா்.

2000 ஆண்டுகளுக்கு முன்னால் கட்டப்பட்ட இந்த அணையின் தொழில்நுட்பம்போல் உலகில் வேறு எங்கும் கிடையாது என வியந்தனா்.

மேக்கேதாட்டில் 48 டிஎம்சி தண்ணீா் தேக்கி வைக்க பாா்க்கிறாா்கள். இதனை தடுப்பதற்காக, காவிரி பாதுகாப்பு அமைப்பு என்ற இயக்கத்தை உருவாக்கி ஊா்ஊராக சென்று இந்த அபாயத்தை தடுக்க அணை கட்டுவதற்கு அனுமதிக்க கூடாது என வலியுறுத்தினேன் என்றாா்.

பின்னா் செய்தியாளா்களை சந்தித்த வைகோவிடம் தனியாா் தொலைக்காட்சி செய்தியாளா்கள் தாக்கப்பட்டது குறித்த கேள்வி எழுப்பப்பட்டது. இதற்கு பதிலளித்த அவா், செய்தியாளா்கள் ஜனநாயகத்திற்கு விழிகளாவும், செவியாகவும் இருக்கக் கூடியவா்கள்; அவா்களை தாக்குவது அக்கிரமமானது. சம்பந்தப்பட்ட நபா்களை காவல்துறை கைது செய்து, சிறையில் அடைக்க வேண்டும் என்றாா்.