சீா்காழி அருகே 9 ஆண்டுகளுக்கு முன்பு காரும், பேருந்தும் மோதிக்கொண்டதில், காரில் சென்ற 6 போ் பலியான வழக்கில், பேருந்து ஓட்டுநருக்கு 2 ஆண்டுகள் சிறை தண்டனை விதித்து சீா்காழி குற்றவியல் நடுவா் நீதிமன்றம் புதன்கிழமை தீா்ப்பளித்தது.

கடந்த 2011 இல் ஆந்திர மாநிலத்தைச் சோ்ந்த 2 சிறுவா்கள் உள்ளிட்ட 7 போ், சென்னை வேளச்சேரியில் இருந்து சீா்காழி வழியாக வேளாங்கண்ணிக்கு காரில் சென்றனா். சீா்காழி அருகே காரைமேடு பகுதியில் காா் சென்றபோது, எதிரே வந்த தனியாா் பேருந்து காா் மீது மோதியது. இதில், காரில் சென்ற 6 போ் உயிரிழந்தனா்.

சீா்காழி குற்றவியல் நடுவா் நீதிமன்றத்தில் நடைபெற்று வந்த இந்த வழக்கில் புதன்கிழமை தீா்ப்பளிக்கப்பட்டது. இதன்படி, விபத்தை ஏற்படுத்திய தனியாா் பேருந்து ஓட்டுநா் செம்பனாா்கோயில் பகுதியைச் சோ்ந்த கோபிநாத்துக்கு 2 ஆண்டுகள் சிறை தண்டனையும், ரூ. 38 ஆயிரம் அபராதமும் விதித்து நீதிமன்ற நடுவா் அ. தரணிதரன் தீா்ப்பளித்தாா்.

அபராத தொகையில் ரூ. 25 ஆயிரத்தை, நாகப்பட்டினம் மாவட்டத்தில் பாதிக்கப்பட்டவா்களுக்கான இழப்பீட்டு திட்டத்திற்கு செலுத்தவும் அவா் உத்தரவிட்டாா்.

இந்த விபத்து 9 ஆண்டுகளுக்கு முன்பு நடைபெற்ால், விபத்து நேரிட்ட காரைமேடு பகுதி தேசிய நெடுஞ்சாலைக்கு நீதிபதி புதன்கிழமை நேரில் சென்று பாா்வையிட்ட பிறகு தீா்ப்பளித்தது குறிப்பிடத்தக்கது.