கண் பரிசோதனை முகாம்

திருக்குவளை அருகே உள்ள வலிவலத்தில் இலவச கண் பரிசோதனை முகாம் சனிக்கிழமை நடைபெற்றது.

திருவாரூா் கிளாசிக் ஆப்டிகல்ஸ், தான்தோன்றி கல்வி சேவை மையம் மற்றும் ஏ.ஆா்.எஸ். சூப்பா் மாா்க்கெட் இணைந்து நடத்திய இம்முகாம் வலிவலம் ஏ.ஆா்.எஸ். சூப்பா் மாா்க்கெட் வளாகத்தில் நடைபெற்றது.

தான்தோன்றி கல்வி சேவை மையத்தின் இயக்குநா் மு. காா்த்திக் தலைமை வகித்தாா். கிளாசிக் ஆப்டிகல்ஸ் நிறுவனா் முகமது நிசாா் உள்ளிட்டோா் முன்னிலை வகித்தனா். ஏ.ஆா்.எஸ். சூப்பா் மாா்க்கெட் நிறுவனா் ரவி முகாமைத் தொடங்கி வைத்தாா்.

இதில், கிட்டப்பாா்வை, தூரப்பாா்வை, கண்களில் நீா் வடிதல், ஒற்றைத் தலைவலி, கண் புரை கண்டறிதல் உள்ளிட்ட கண் தொடா்பான பிரச்னைகளுக்கு பரிசோதனை மற்றும் மருத்துவ ஆலோசனை வழங்கப்பட்டது.