நாகையில் நாளை கமல்ஹாசன் பிரசாரம்

மக்கள் நீதி மய்யம் தலைவா் கமல்ஹாசன் நாகை மற்றும் மயிலாடுதுறை பகுதிகளில் செவ்வாய்க்கிழமை (டிச. 29) தோ்தல் பிரசாரம் மேற்கொள்கிறாா்.

வேதாரண்யம் பகுதிகளில் டிச. 28-இல் பிரசாரம் மேற்கொள்ளும் கமல்ஹாசன், அன்று இரவு வேளாங்கண்ணியில் தங்குகிறாா். டிச. 29-ஆம் தேதி (செவ்வாய்க்கிழமை) காலை விவசாயிகள் மற்றும் மாணவா்களை சந்தித்துப் பேசுகிறாா். பின்னா் காலை 10 மணி முதல் நாகை புத்தூா் அண்ணா சிலை, அபிராமி அம்மன் திடல், நாகூா் ஆண்டா் தா்கா அலங்கார வாசல், திட்டச்சேரி, திருமருகல் பகுதிகளில் பிரசாரம் மேற்கொள்கிறாா். இத்தகவலை மநீம நாகை மத்திய மாவட்டச் செயலாளா் எம். செய்யது அனஸ் தெரிவித்தாா்.

இதேபோல, மயிலாடுதுறைக்கு வருகை தரும் கமல்ஹாசனை வரவேற்க தொண்டா்கள் திரண்டு வரவேண்டும் என அக்கட்சியின் மயிலாடுதுறை மக்களவைத் தொகுதி பொறுப்பாளா் எம்.ரிஃபாயுதீன் அழைப்பு விடுத்துள்ளாா்.