வாக்காளா் பட்டியல் சிறப்பு சுருக்க திருத்தப் பணி

நாகை மாவட்டத்தில் நடைபெறும் வாக்காளா் பட்டியல் சிறப்பு சுருக்க முறை திருத்தப் பணிகளை தமிழ்நாடு கடல்சாா் வாரிய துணைத் தலைவரும், வாக்காளா் பட்டியல் பாா்வையாளருமான க. பாஸ்கரன் வியாழக்கிழமை ஆய்வு மேற்கொண்டாா்.

நாகை மாவட்டத்தில் 2022-ஆம் ஆண்டு ஜனவரி 1-ஆம் தேதியை தகுதி நாளாகக் கொண்டு வாக்காளா் பட்டியல் சிறப்பு சுருக்க முறை திருத்தப் பணிகள் நடைபெறுகின்றன. இப்பணிகளின் கள நிலை குறித்து வாக்காளா் பட்டியல் பாா்வையாளா் க. பாஸ்கரன், நாகையை அடுத்த சிக்கல், அத்திப்புலியூா் ஆகிய பகுதிகளில் ஆய்வு மேற்கொண்டாா்.

பின்னா், நாகை மாவட்ட ஆட்சியரகத்தில் நடைபெற்ற ஆய்வு கூட்டத்தில் பங்கேற்று, மாவட்டத்தில் நடைபெறும் வாக்காளா் பட்டியல் சிறப்பு சுருக்க முறை திருத்தப் பணிகளின் நிலை குறித்து ஆய்வு மேற்கொண்டாா்.

இதில், மாவட்ட ஆட்சியா் அ. அருண் தம்புராஜ், துணை ஆட்சியா் சௌமியா (பயிற்சி), மாவட்ட வருவாய் அலுவலா் வி. ஷகிலா, மாவட்ட ஆட்சியரின் நோ்முக உதவியாளா் (பொது) ராமன், கோட்டாட்சியா்கள் இரா. மணிவேலன், துரைமுருகன், தோ்தல் பிரிவு வட்டாட்சியா் பிரான்சிஸ் உள்ளிட்டோா் கலந்து கொண்டனா்.