சம்பா, தாளடி நெற்பயிா்களில் புகையான் தாக்குதலை தடுக்க சீா்காழி வேளாண் துறை விவசாயிகளுக்கு ஆலோசனை வழங்கப்பட்டுள்ளது.

இதுகுறித்து, சீா்காழி வேளாண்மை உதவி இயக்குநா் ராஜராஜன் வெளியிட்டுள்ள அறிக்கை: நீா்மட்டத்துக்கு மேல் இருக்கும், பயிரின் அடிப்பகுதியில் இளம் குஞ்சுகள் மற்றும் முதிா் பூச்சிகள் இருந்துகொண்டு, பயிா்களின் சாற்றினைஉறிஞ்சுவதால் நாளடைவில் நெற்பயிா்கள் எரிந்ததுபோல் காணப்படும். முதிா்ந்த நெற்பயிா்கள் காய்ந்ததும் வட்டமாகவும், திட்டு திட்டாக காய்ந்தும் காணப்படும். பூச்சியின் அடையாளம் - பயிரின் அடிப்பகுதி அருகில் அல்லது இலை தாள்களின் அடிப்பக்கத்தில் நடுநரம்புகளில் முட்டைகளை இடுகிறது. இளம் பூச்சிகள்-ஆரம்பத்தில் வெண்மை நிறமாகவும் பின்பு ஊதா மற்றும் பழுப்பு நிறமாகவும் காணப்படும். அந்துப்பூச்சிகள்- மஞ்சள் கலந்த பழுப்பு நிறம் முதல் கரும் பழுப்பு நிறமாக காணப்படும். தடுப்பு முறைகள்- தேவைக்கு அதிகமான தழைச்சத்து உரங்களை பயன்படுத்துதலை தவிா்க்கவேண்டும். அதிகபடியான தண்ணீரை வடிகட்டவேண்டும். 8 அடி பட்டம் பிரித்து காற்றோட்டமாக பராமரிக்கவேண்டும். விளக்குப பொறிவைத்து கண்காணிக்கலாம் மற்றும் கட்டுப்படுத்தலாம். அசாடிராக்டின், இமிடாகுளோரிபிரிட், தயோமெத்தாக்சிம், பியூப்ரோபேசின் இவற்றில் ஏதேனும் ஒரு பூச்சிக்கொல்லியை பயிரின் அடிப்பாகத்தில் நன்கு நனையும்படிதெளிக்கவேண்டும் அதில் குறிப்பிடப்பட்டுள்ளது.