குத்தாலம் பேரூராட்சி அலுவலகம் அருகே அடுத்தவா்களுக்கு பயன்படும் பொருள்கள் வழங்குவதற்காக குத்தாலம் லயன்ஸ் சங்கம் சாா்பில் சேவை சுவா் புதிதாக செவ்வாய்க்கிழமை தொடங்கியது.

சங்கத் தலைவா் காா்த்திகேயன் தலைமையில் நடைபெற்ற சேவை நிகழ்ச்சியை பேரூராட்சி செயல் அலுவலா் பாரதிதாசன் தொடங்கி வைத்தாா். இந்த சேவை சுவரில் வசதி குறைந்தவா்கள் பயன்படுத்தும் வகையிலான உபயோகப் பொருள்களை விருப்பம் உள்ளவா்கள் வைத்து செல்வதற்காக அங்கு வசதி ஏற்படுத்தப்பட்டுள்ளது. இந்த சுவருக்கு சேவை சுவா் என பெயரிடப்பட்டுள்ளது. நிகழ்ச்சியில், சங்க செயலாளா் கணேசன், பொருளாளா் ரமேஷ், நிா்வாகிகள் சிக்கந்தா்ஹயாத்கான், ராஜ்குமாா், மகாலிங்கம் உள்ளிட்டோா் பங்கேற்றனா்.