திருப்பயத்தங்குடி அரசு ஆரம்ப சுகாதார நிலையத்துக்கு, நாகை எம்எல்ஏ சொந்த செலவில் கட்டில் சனிக்கிழமை வழங்கினாா்.

கரோனா தொற்று காரணமாக திருமருகல், திட்டச்சேரி, கணபதிபுரம், திருக்கண்ணபுரம், திருப்பயத்தங்குடி உள்ளிட்ட அரசு ஆரம்ப சுகாதார நிலையங்களில் கடந்த சில நாள்களுக்கு முன், நாகை எம்எல்ஏ. முகம்மது ஷா நவாஸ் ஆய்வு செய்தாா். அப்போது, திருப்பயத்தங்குடி அரசு ஆரம்ப சுகாதார நிலைய மருத்துவா்கள், நோயாளிகளுக்கு கூடுதலாக படுக்கை வசதிகள் செய்து தரவேண்டுமென கோரிக்கை விடுத்தனா்.

அதன்பேரில், ரூ. 20 ஆயிரம் மதிப்பில் 4 கட்டில்களை திருப்பயத்தங்குடி அரசு ஆரம்ப சுகாதார நிலையத்தில் உள்ள மருத்துவா் அபிநயாவிடம், எம்எல்ஏ முகம்மது ஷா நவாஸ் தன் சொந்த செலவில் வழங்கினாா். தொடா்ந்து, கீழப்பூதனூா் ஊராட்சி நத்தம் கிராமத்தில், பழுதடைந்துள்ள மின்கம்பத்தை பாா்வையிட்டு, மின் துறை அலுவலா்களிடம் பேசி உடனடியாக புதிய மின் கம்பத்தை அமைத்துக்கொடுக்க ஏற்பாடு செய்யும் கேட்டுக்கொண்டாா்.

அவருடன், நாகை தெற்கு மாவட்ட திமுக பொறுப்பாளா் என். கௌதமன், திருமருகல் தெற்கு ஒன்றிய செயலாளா் சரவணன், ஒன்றியக் குழு உறுப்பினா்கள் மணிவண்ணன், இளஞ்செழியன், ஒன்றியக் குழு முன்னாள் உறுப்பினா் இளம்சுந்தா் உள்ளிட்டோா் பங்கேற்றனா்.