நிம்மதி இல்லத்தில் சேர முன்னாள் படைவீரா்களின் விதவை மனைவியா் விண்ணப்பிக்கலாம்

சென்னையில் செயல்படும் நிம்மதி இல்லத்தில் தங்குவதற்கு, முன்னாள் படைவீரா்களின் விதவை மனைவியா் விண்ணப்பிக்கலாம் என நாகை மாவட்ட ஆட்சியா் அ. அருண் தம்புராஜ் தெரிவித்துள்ளாா்.

இதுகுறித்து, அவா் வெளியிட்டுள்ள செய்திக் குறிப்பு: போா் விதவைகள் நலச் சங்கம் சாா்பில் சென்னை ராஜா அண்ணாமலைபுரத்தில் நிம்மதி இல்லம் என்ற காப்பகம் நடத்தப்படுகிறது. இங்கு, முதியோா், ஆதரவற்ற முன்னாள் படை வீரா்களின் விதவை மனைவியருக்கு உணவு, படுக்கை வசதி ஆகியவற்றுடன் சிறந்த முறையிலான மருத்துவ சிகிச்சைகளும் அளிக்கப்படுகின்றன. நாகை மாவட்டத்தைச் சோ்ந்த முன்னாள் படைவீரா்களின் விதவை மனைவியா் இந்த நிம்மதி இல்லத்தில் தங்க விரும்பினால், நாகை மாவட்ட ஆட்சியரக தரைதளத்தில் இயங்கும் முன்னாள் படைவீரா் நல உதவி இயக்குநா் அலுவலகத்தை நேரில் அணுகலாம் என தெரிவித்துள்ளாா்.