திருக்குவளை அருகே தொடா் திருட்டு சம்பவம் தொடா்பாக நாகை மாவட்ட காவல் கண்காணிப்பாளா் கு. ஜவஹா் ஞாயிற்றுக்கிழமை நேரில் ஆய்வு மேற்கொண்டாா்.

கீழையூா் ஒன்றியம், பிரதாபராமபுரம் கிராமத்தில் கடந்த 10 தினங்களில் அடுத்தடுத்து திருட்டு மற்றும் வழிப்பறி சம்பவங்கள் நடந்துள்ளன. இதனால் பாதிக்கப்பட்ட பிரதாபராமபுரம், பூவைத்தேடி, ராமா்மடம், செருதூா் கிராம மக்கள் நாகை மாவட்ட காவல் கண்காணிப்பாளா் கு. ஜவஹரிடம் புகாா் மனு அளித்தனா்.

இைத்தொடா்ந்து, பிரதாபராமபுரத்துக்கு வந்த காவல் கண்காணிப்பாளா் ஞாயிற்றுக்கிழமை இரவு முதல் இப்பகுதிகளில் கூடுதலாக தனிப்படை போலீஸாா் ரோந்துப் பணியில் ஈடுபட உள்ளதாகவும், போலீஸாருடன் ஆா்வமுள்ள தன்னாா்வலா்கள் இணைந்து பணியாற்றலாம் எனவும் தெரிவித்தாா். தொடா்ந்து, பொதுமக்களிடம் கோரிக்கை மனுக்களை பெற்றாா்.

இந்நிலையில், பூவைத்தேடியைச் சோ்ந்த வெங்கட்ராமன் வீட்டிலும் திருட்டு நடந்ததால், அப்பகுதி மக்கள் சாலை மறியலில் ஈடுபட்ட திரண்டனா். அவா்களிடம் போலீஸாா் பேச்சுவாா்த்தை நடத்தியதையடுத்து மறியல் முயற்சியை கைவிட்டனா்.

தொடா்ந்து, திருட்டு நடந்த வீட்டில் காவல் கண்காணிப்பாளா் நேரில் ஆய்வு மேற்கொண்டாா். அப்போது, துணைக் காவல் கண்காணிப்பாளா் பாலகிருஷ்ணன், ஒன்றியக் குழு உறுப்பினா் கோ.ஆறுமுகம், ஊராட்சித் தலைவா் ஆா்.வி.எஸ். சிவராசு உள்ளிட்டோா் உடனிருந்தனா்.