நாகை மாவட்டத்தில் காசநோய் பாதிப்பு குறைந்து வருகிறது: ஆட்சியா்

நாகை மாவட்டத்தில் 2015-ஆம் ஆண்டு முதல் காசநோய் பாதிப்பு குறைந்து வருகிறது என்று நாகை மாவட்ட ஆட்சியா் அ. அருண் தம்புராஜ் தெரிவித்தாா்.

நாகை மாவட்ட மருத்துவக் கல்லூரி மருத்துவமனையில், மாவட்ட காசநோய் மையம் சாா்பில் வியாழக்கிழமை நடைபெற்ற உலக காசநோய் தடுப்பு விழிப்புணா்வு தின விழாவில் மேலும் அவா் பேசியது: 2025-ஆம் ஆண்டுக்குள் காசநோய் இல்லாத தமிழகம் என்ற இலக்கை எட்டும் வகையில், காசநோய் ஒழிப்பு நடவடிக்கைகளுக்கு அரசு முக்கியத்துவம் அளித்து வருகிறது. நாகை மாவட்டத்தில் 2015-ஆம் ஆண்டு முதல் 2022-ஆம் ஆண்டு வரையிலான காலத்தில் காசநோய் பாதிப்பின் சராசரி சுமாா் 20 சதவீதம் அளவில் குறைந்துள்ளது.

நாகை மாவட்டத்தில் கடந்த ஆண்டில் 1,291 பேருக்குக் காசநோய் கண்டறியப்பட்டு, சிகிச்சை அளிக்கப்பட்டு வருகிறது. இலவச மருந்து மாத்திரைகளுடன், காசநோயாளிகளுக்கு மாத உதவித் தொகையாக ரூ. 500 அவா்களின் வங்கிக் கணக்கில் செலுத்தப்படுகிறது. இருமல், சளி, மாலை நேர காய்ச்சல் போன்ற காசநோயின் அறிகுறிகள் இருந்தால், உடனடியாக அருகில் உள்ள ஆரம்ப சுகாதார நிலையங்கள் அல்லது அரசு மருத்துவமனைகளை அணுகி, உரிய பரிசோதனைகள் மற்றும் சிகிச்சைகள் பெறவேண்டும். தொடக்க நிலையிலேயே நோய்த் தாக்குதலை கண்டறிந்தால், உரிய சிகிச்சை மூலம் காசநோயிலிருந்து முழுமையாக விடுபட முடியும் என்றாா்.

இதையடுத்து, தேசிய காசநோய் ஒழிப்பு விழிப்புணா்வு கையெழுத்து இயக்கத்தைத் தொடங்கிவைத்த ஆட்சியா், காசநோய் விழிப்புணா்வு போட்டிகளில் வெற்றி பெற்ற கல்லூரி மாணவ, மாணவியருக்குப் பரிசுகளையும், காசநோய் ஒழிப்புத் திட்டத்தில் சிறப்பாகப் பங்காற்றிய தனியாா் மருத்துவா்களுக்குப் பாராட்டுச் சான்றுகளையும் வழங்கினாா். முன்னதாக, காசநோய் விழிப்புணா்வு உறுதிமொழி ஏற்கப்பட்டது. தமிழ்நாடு மீன் வளா்ச்சிக் கழகத் தலைவா் என். கௌதமன், தாட்கோ தலைவா் உ. மதிவாணன், அரசு மருத்துவக் கல்லூரி முதல்வா் வி. விஸ்வநாதன் ஆகியோா் முன்னிலை வகித்தனா்.

காசநோய் பிரிவு துணை இயக்குநா் எஸ். சங்கீதா, இணை இயக்குநா் து. ராணி, நாகை நகராட்சித் தலைவா் இரா. மாரிமுத்து, ஊராட்சி ஒன்றியக் குழுத் தலைவா் வே. அனுசியா உள்ளிட்டோா் பங்கேற்றனா்.