திருவாரூர் மாவட்டம், கொரடாச்சேரி ஒன்றியம், முசிரியத்தில் உள்ள ஸ்ரீ லெட்சுமி நாராயணப் பெருமாள், ஸ்ரீ பக்த ஆஞ்சநேயர் கோயிலில் புரட்டாசி முதல் சனிக்கிழமையையொட்டி சிறப்பு வழிபாடு நடைபெற்றது.
புரட்டாசி மாத முதல் சனிக்கிழமையையொட்டி, இக்கோயிலில் அதிகாலையில் நடை திறக்கப்பட்டு, சிறப்பு வழிபாடுகள் தொடங்கின. சுவாமிக்கு சிறப்பு அபிஷேகம், ஆராதனை நடைபெற்றது. பின்னர் சுவாமிக்கு தளிகை (அன்னதானம்) படையலிட்டு தீபாராதனை காண்பிக்கப்பட்டது. இதில் திரளான பக்தர்கள் கலந்துகொண்டு சுவாமி தரிசனம் செய்தனர்.
தொடர்ந்து, பக்தர்களுக்கு அன்னதானம் வழங்கப்பட்டது.