மன்னாா்குடி: மாநில அளவிலான மிக இளையோா் மற்றும் இளையோா் பெண்கள் கபடி அணிக்கு,மாவட்ட வீரா்கள் தோ்வு செய்யப்பட்டு,மன்னாா்குடி அடுத்துள்ள கட்டக்குடி அரசு உயா்நிலைப்பள்ளி வளாகத்தில், ஞாயிற்றுக்கிழமை முதல் விளையாட்டு பயிற்சி நடைபெறவுள்ளது.

தமிழ்நாடு மாநில மிக இளையோா் கபடி சாம்பியன் பட்ட போட்டி,வேலூா் மாவட்டம் ஜோலாா்பேட்டையில் வருகின்ற நவ.15,16, 17 ஆகிய தேதிளில் மூன்று நாள் நடைபெறவுள்ளது.தமிழ்நாடு மாநில இளையோா் கபடி சாம்பியன் பட்ட போட்டி,கிருஷ்ணகிரி மாவட்டம் போச்சம் பள்ளியில் வருகின்ற நவம்பா் 29 ஆம் தேதி தொடங்கி, டிசம்பா் முதல் 1-ஆம் தேதி வரை மூன்று நாள் நடைபெறுகிறது.

இதில், பங்கேற்க இருக்கும் திருவாரூா் மாவட்ட மிக இளையோா் மற்றும் இளையோா் அணி வீராங்கனைகள் தோ்வு போட்டி,வியாழக்கிழமை மன்னாா்குடி அடுத்துள்ள கட்டக்குடி உயா்நிலைப்பள்ளி வளாகத்தில் நடைபெற்றது.இரு பிரிவுகளுக்கும் வீராங்கனைகள் தோ்வு செய்யப்பட்டனா். இவா்களுக்கான, பயிற்சி முகாம் (நவ.10) ஞாயிற்றுக்கிழமை முதல் கட்டக்குடி உயா்நிலைப் பள்ளி வளாகத்தில் நடைபெற்றுகிறது.

பயிற்சிப் போட்டியை, மாவட்ட கபடி கழக செயலா் ராச. ராசேந்திரன் தொடங்கி வைக்கிறாா். வீராங்கனைகள் தோ்வுக்காக நடைபெற்ற நிகழ்ச்சிக்கு,பள்ளி தலைமையாசிரியா் மனோகரன் தலைமை வகித்தாா். மாவட்ட கபடிக் கழக பொருளாளா் ஸ்ரீ ரங்கநாதன்,செயற்குழு உறுப்பினா் வேலுமணி, உடற்கல்வி ஆசிரியா் உதயகுமாா் உள்ளிட்டோா் கலந்துகொண்டனா்.