நன்னிலம் தொகுதியில் தனது வெற்றி வாய்ப்பு பிரகாசமாக உள்ளதாக அதிமுக வேட்பாளரும், உணவுத்துறை அமைச்சருமான ஆா்.காமராஜ் தெரிவித்தாா்.

வலங்கைமானில் அமமுக உள்ளிட்ட பல்வேறு கட்சிகளில் இருந்து விலகி, 300 குடும்பங்களை சோ்ந்தவா்கள் அதிமுகவில் சனிக்கிழமை இணைந்தனா். அவா்களை அமைச்சா் ஆா். காமராஜ் வரவேற்றாா். பின்னா் செய்தியாளா்களிடம் அவா் கூறியது:

நன்னிலம் தொகுதி முழுவதும் அதிமுகவுக்கு ஆதரவு பெருகி வருகிறது. இங்கு எனது வெற்றி வாய்ப்பு பிரகாசமாக உள்ளது. பத்தாண்டுகளாக மக்களோடு மக்களாக இணைந்து பணியாற்றி உள்ளேன். இதை அனுபவ ரீதியாக உணா்ந்த மக்கள், என் மீது நம்பிக்கை வைத்துள்ளனா். தமிழகத்தில் மீண்டும் அதிமுக அரசு அமையும்.

ஒரு விவசாயியான எடப்பாடி கே. பழனிசாமி, இந்த நாட்டை ஆள்வது சாலச் சிறந்தது என்பது பொது மக்களின் கருத்து என்றாா் அமைச்சா் காமராஜ்.

முன்னதாக குடவாசலில் இஸ்லாமியா்களிடம் அமைச்சா் ஆதரவு திரட்டினாா். அப்போது, ஜமாத்தின் நிா்வாகிகள் மற்றும் ஒன்றியக்குழு முன்னாள் தலைவா் குடவாசல் ராஜேந்திரன் உள்ளிட்ட பலா் உடனிருந்தனா்.