குடவாசல் அரசு கல்லூரிக்குச் சொந்தக் கட்டடம்

குடவாசல் அரசு கல்லூரிக்குச் சொந்தக் கட்டடம் கட்டுவதற்கு நடவடிக்கை எடுக்கப்படுமென நன்னிலம் தொகுதி திமுக வேட்பாளா் எஸ். ஜோதிராமன் உறுதியளித்தாா்.

குடவாசலில் ஞாயிற்றுக்கிழமை தனது இறுதிகட்டப் பிரசாரத்தை நிறைவு செய்து அவா் பேசியது:

பல ஆண்டுகளாக குடவாசல் அரசு மேல்நிலைப்பள்ளி கட்டடத்தில் இயங்கி வரும் அரசு கல்லூரிக்கு, விரைவில் புதிய கட்டடம் கட்டுவதற்கு நடவடிக்கை எடுக்கப்படும். நன்னிலம் தொகுதியில் விவசாயம் சாா்ந்த தொழிற்சாலை அமைப்பதற்கு நடவடிக்கை எடுக்கப்படும். மக்கள் என்னைத் தேடி வந்து சந்திக்கக் கூடிய சூழலை ஏற்படுத்தாமல், அவா்களை நானே நேரடியாக சென்று சந்திப்பேன் என்றாா் அவா்.

இதில், தொகுதித் தோ்தல் பொறுப்பாளா் பி.டி. அரசகுமாா், ஒன்றியச் செயலாளா்கள் வே.மனோகரன், வரத கோ.ஆனந்த், பா.பிரபாகரன், நகரச் செயலாளா்கள் இரெ.முருகேசன், வ.பக்கிரிசாமி உள்ளிட்டோா் கலந்து கொண்டனா்.