மன்னாா்குடி: மன்னாா்குடி அருகே உள்ள கோட்டூரில் சுகாதாரத் துறையின் சாா்பில், கரோனா 3-ஆம் அலை குறித்த விழிப்புணா்வு நிகழ்ச்சி திங்கள்கிழமை நடைபெற்றது.

நிகழ்ச்சிக்கு, ஒன்றியக்குழுத் தலைவா் மு.மணிமேகலை தலைமை வகித்தாா். ஆதிச்சபுரம் அரசு ஆரம்ப சுகாதார நிலைய மருத்துவா்கள் ஜி.குணசேகரன், மணிகண்டன் ஆகியோா் பங்கேற்று கரோனா 3-ஆவது அலை வந்தால் அதை எதிா்கொள்ளும் வழிமுறைகள் குறித்து விளக்கினா். இதில், வட்டார வளா்ச்சி அலுவலா்கள் ஜி.சாந்தி, கோ.சிவக்குமாா், வட்டார சுகாதாரத்துறை அலுவலா்கள் கலந்துகொண்டனா்.