அனுமன் ஜெயந்தி: திருவோணமங்கலம் ஞானபுரி கோயிலில் சிறப்பு யாகம்

நீடாமங்கலம் அருகேயுள்ள திருவோணமங்கலம் ஞானபுரி சங்கடஹர மங்கல மாருதி ஆஞ்சனேயா் கோயிலில் அனுமன் ஜெயந்தியை முன்னிட்டு சதசண்டி யாகம் நடைபெற்று வருகிறது.

ஆஞ்சனேய மூலமந்திர ஹோமத்துடன் கடந்த 20-ம் தேதி தொடங்கிய இந்த யாகத்தில் வியாழக்கிழமை துா்கா அம்மன் பூஜை நடைபெற்றது. தொடா்ந்து, சனிக்கிழமை (டிச. 25) ஜன்ம ஜெயந்தி மஹோத்ஸவம், ஸ்ரீசதசண்டி மகாயக்ஞம், பூா்ணாஹீதி மற்றும் அன்று இரவு 7 மணியளவில் திருத்தோ் உற்சவம் நடைபெறவுள்ளது.

மேலும், டிசம்பா் 26 முதல் 30-ம் தேதிவரை சங்கடஹர மங்கலமாருதி ஆஞ்சனேயருக்கு நாள்தோறும் லட்சாா்ச்சனையும், விசேஷ அலங்கார தரிசனமும் நடைபெறவுள்ளன. 31-ம் தேதி ஸ்ரீஆஞ்சனேய ஜெயந்தி பூஜை தொடங்கி, ஜனவரி 1-ம் தேதி 33 அடி உயர ஆஞ்சனேயருக்கு விசேஷ அலங்கார தரிசனமும், அன்று இரவு 7 மணிக்கு வெள்ளித் திருத்தோ் உற்சவமும் நடைபெறுகிறது.

தொடா்ந்து, ஜனவரி 2-ம் தேதி இரவு 7 மணிக்கு வெள்ளி திருத்தோ் உற்சவம் நடைபெறும். ஸ்ரீஜகத்குரு பதரீ சங்கராச்சாரியா் கிருஷ்ணானந்த தீா்த்த மகாசுவாமிகள் முன்னிலையில் நிகழ்ச்சிகள் நடைபெறுகின்றன. விழாவில், ஜனவரி 1-ம் தேதி மற்றும் ஸ்ரீஆஞ்சனேய ஜெயந்தி அன்று பூஜையில் வைக்கப்பட்ட ஒரு ரூபாய் நாணயம் பக்தா்களுக்கு வழங்கப்படும் எனத் தெரிவித்துள்ளனா்.

இதற்கான ஏற்பாடுகளை கோயிலின் தா்மாதிகாரி பிரம்மஸ்ரீ ரமணிஅண்ணா, கன்வீனா் கே.எஸ். ஜெயராமன், பதரிசங்கராச்சாரியா் சமஸ்தான ஸ்ரீகாா்யம் எம். சந்திரமெளலீஸ்வரன் உள்ளிட்டோா் செய்துள்ளனா்.