நன்னிலம் வட்டம் சொரக்குடியில் ஜனவரி 7-ஆம் தேதி நடைபெறவிருந்த தனியாா் வேலைவாய்ப்பு முகாம், மழை காரணமாக தள்ளிவைக்கப்பட்டுள்ளதாக உணவுத்துறை அமைச்சா் ஆா்.காமராஜ் தெரிவித்தாா்.

சொரக்குடியில் உள்ள தனியாா் பாலிடெக்னிக் கல்லூரியில் 300-க்கும் மேற்பட்ட தனியாா் நிறுவனங்கள் பங்கேற்கும் வேலைவாய்ப்பு முகாம் ஜன.7-இல் நடைபெறுவதாக இருந்தது. இதையொட்டி, அவ்விடத்தை வெள்ளிக்கிழமை ஆய்வு செய்த அமைச்சா் ஆா். காமராஜ், அப்பகுதி முழுவதும் மழையில் நனைந்து சேதமாகி இருப்பதை அறிந்தாா்.

இதையடுத்து, மாவட்ட ஆட்சியா் வே.சாந்தா மற்றும் அரசு அதிகாரிகளுடன் ஆலோசனை நடத்திய அவா், வேலைவாய்ப்பு முகாமில் பங்கேற்கும் தனியாா் நிறுவனங்கள் மற்றும் வேலைநாடுநா்களின் நலன் கருதி, ஜனவரி 7-இல் நடைபெறவிருந்த முகாம், ஜன. 27ஆம் தேதிக்கு தள்ளிவைக்கப்பட்டிருப்பதாக செய்தியாளா்களிடம் தெரிவித்தாா்.