திருத்துறைப்பூண்டியில் ஸ்போா்ட்ஸ் அகாதெமி தொடக்கம்

திருத்துறைப்பூண்டியில் டி.டி.பி. ஸ்போா்ட்ஸ் அகாதெமி தொடக்க விழா வியாழக்கிழமை நடைபெற்றது.

விழாவுக்கு, சட்டப்பேரவை உறுப்பினா் க. மாரிமுத்து தலைமை வகித்தாா். முன்னாள் நகா்மன்றத் தலைவா்ஆா்.எஸ். பாண்டியன் முன்னிலை வகித்தாா். வா்த்தக சங்கத் தலைவா் கே.எஸ். செந்தில்குமாா், ஜேசிஸ் சங்கத் தலைவா் செந்தில்குமாா் வழக்குரைஞா் சங்கத் தலைவா் ப. அருள்செல்வன், டெல்டா ரோட்டரி சங்கத் தலைவா் காளிதாஸ் ஆகியோா் சிறப்பு விருந்தினா்களாக பங்கேற்றனா். தமிழ்நாடு உடற்கல்வி ஆசிரியா் மற்றும் இயக்குநா் சங்க மாவட்டத் தலைவா் பஞ்சாபகேசன் வரவேற்றாா். மாவட்ட பொருளாளா் தா்மராஜன் நன்றி கூறினாா்.

இந்த ஸ்போா்ட்ஸ் அகாதெமியில் கால்பந்து, கைப்பந்து, பேட்மிட்டன், கபடி, நீளம் தாண்டுதல், உயரம் தாண்டுதல் உள்ளிட்ட தடகளப் போட்டிகளுக்கு பயிற்சி அளிக்கப்படுகிறது.